澳門雖然地方唔大，但歷史悠久且五臟俱存，雖然同香港一樣係世界人口密度最高嘅城市之一，但係澳門節奏比香港更緩和，人與人之間嘅關係亦比香港更緊密。 由於澳門同香港嘅距離只有不足1小時船程，加上港幣通用而且文化相近，所以唔少香港人都鍾意響周未同三五知己過一過澳門，享受一個脫離煩囂嘅假期。

過澳門交通選擇

雖然有可靠消息指港珠澳大橋將會於2018年5至6月間落成，通車後由香港前往珠海只需要1小時，而前往至澳門只需45分鐘，而且巴士單程收費極有可能低於港幣$100，不過陸路交通始於會面對一個問題，就係塞車！ 所以就算到時港珠澳大橋落成後，相信都依然會有唔少人會繼續選擇返以海路過澳門，始終時間容易預計，而且到時後船飛價格亦極有可能會作出相應調整。

排除將會落成嘅港珠澳大橋以及土豪直升機外，目前最普及過澳門嘅方法有兩種，分別係 噴射飛航 及 金光飛航。

即場買 VS 網上買決擇

如何以$115預訂澳門船飛?

普遍黎講網上預訂會比現場購買平少少，原因都好簡單，因為即場買會被視為 “趕住要出發” 同埋 “唔去唔得”，所以檯台買係會貴少少。如果大家想以$115價錢購買單程澳門船飛，就必須要透過 “金光飛航官方網站” 或 “手機應用app” 特別優惠專區，購買2018年1月1日至2018年6月30日期間嘅單程船票，先可享受優惠票價：

市區航線：
標準艙每張港幣115元 (已含稅)，
頭等艙每張港幣167元 (已含稅)；

機場航線：
標準艙每張港幣209元 (已含稅)

而呢個$115船飛優惠係會視乎座位供應狀況而定，數量有限，先到先得，而且用戶只可以購買當天，或預購翌日嘅市區線航班船票先可以享有此優惠，優惠航班亦會於每日09:00重置。 換言之9:00 a.m 就要開搶，俾人搶哂就要用返正價$171買。

官網 VS 第三方旅遊網決擇

除非官網有特別優惠活動 (例如信用卡優惠 及 生日優惠等等…) 否則第三方旅遊網嘅價錢會比官網再平少少，而且金光飛航同噴射飛航官網嘅用戶介面及使用便利性都唔及Klook，KKday及永安旅遊咁好，所以大部份情況下我都會推介大家上Klook或KKday訂澳門船飛，加上Klook，KKday及永安旅遊不時都會有優惠碼提供，所以用埋優惠碼之後個價錢差距又可以進一步拉開! 個價確係十分抵!

不過大家要記住，唔係所有第三方旅遊網都會涵蓋所有航線，例如：

– 金光飛航 – 香港機場去氹仔 (暫時得KKday先有)
– 噴射飛航 – 來回船飛 (暫時得Klook及永安先有)
– 噴射飛航 – 屯門去外港 (暫時得KKday及永安先有)

預訂平台捷徑

– 噴射飛航 Turbojet
– 金光飛航 Cotaiwaterjet
– Klook澳門船飛 ► Klook優惠碼一覽
– KKday澳門船飛 ► KKday折扣券一覽
– 永安旅遊澳門船飛 ► Wingon優惠碼一覽